अरे खोप्यामधी खोपा …

अरे खोप्यामधी खोपा
सुगरणीचा चांगला
देखा पिलासाठी तिनं
झोका झाडाले टांगला

पिलं निजली खोप्यात
जसा झुलता बंगला
तिचा पिलामधी जीव
जीव झाडाले टांगला!

सुगरीण सुगरीण
अशी माझी रे चतुर
तिले जल्माचा सांगाती मिये
गण्या गंप्या नर

खोपा इनला इनला
जसा गिलक्याचा कोसा
पाखराची कारागिरी
जरा देख रे माणसा!

तिची उलूशीच चोच
तेच दात, तेच ओठ
तुले देले रे देवानं
दोन हात, दहा बोटं

         – बहिणाबाई 

‘जुन्यात चमकेल आणि नव्यात झळकेल असे बावनकशी सोन्याप्रमाणे बहिणाबाईंचे काव्य आहे, हा तर मोहरांचा हंडा आहे!’ - आचार्य अत्रे

हे सुद्धा वाचा: वृक्षवल्ली आह्मां सोयरीं…